Budapesti është kaq i lirë, sa është mëkat të mos shkosh

Së fundi, kam vënë re një dyndje të miqve dhe kolegëve të mi drejt Budapestit. Dikush, dikur, zbuloi se biletat e avionit nga Prishtina drejt Budapestit kryeqytetit Hungarez ishin shumë lirë dhe aq u desh që fjala të merrte dhenë. Në ndihmë të atyre që kanë në plan të udhëtojnë drejt Budapestit, mblodha këtë listë me këshilla nga ata që e kanë vizituar tashmë.

Për të krijuar një ide mbi çmimet e biletave të avionit, intervistova tre njerëz të ndryshëm. Të gjithë u nisën nga Prishtina dhe vetëm udhëtimi kushtoi 20, 30 dhe 79 euro. Në varësi të datës së prenotimit, çmimi mund të jetë edhe më i ulët.

Max Travel ofron paketen Vikend ne Budapest me cmim prej 149 Euro per 3 nete dhe si cdo here perfshine Bileten e Aeroplanit, transferin aeroport hotel dhe transferion hotel aeroport 3 nete fjetje ne hotel me 4 yje ku perfshihen edhe mengjeset dhe te gjitha keto per vetem 149 Euro.

Në Hungari, anglishtja nuk është shumë e përhapur dhe mund të hasni vështirësi në komunikim. Gjithashtu, këshillohet të mos shkoni me lekë në destinacion apo t’i thyeni lekët në fjalë në aeroport. Monedha e Hungarisë quhet forint. Nisuni me euro dhe përdorni pikat e shkëmbimit të monedhave në Budapest. Tregohuni të kujdesshëm me kursin e këmbimit, konfirmojeni online përpara se të bini dakord mbi shkëmbimin, dhe vini re sa tarifoheni për shërbimin.

Google Maps është shumë i nevojshem jo vetëm në Budapest, por kudo. Miqtë e mi që vizituan Budapestin së fundi e përdorën për t’u orientuar dhe për të gjetur stacionet e autobusëve, metrove apo tramvajit. Për sa i përket biletave të transportit publik, duhet të keni parasysh se duhet të blihen para udhëtimit në makinetat në pranësi të stacionit, me anë të parave apo kartave të debitit a kreditit.

Në rast emergjence, mund të telefononi të njëjtin numër si në vend, 112. Ambasada e Republikës së Kosovës në Hungari  ndodhet në Szabadsag ter 7, 1054 Budapest, dhe mund ta kontaktoni në këtë numër: +36 1 688 7872.

Kur kërkova të di mbi atraksionet turistike në Budapest, më dhanë përafërsisht të njëjtat përgjigje.

  • Parliament House,
  • Szechenyi Spa,
  • Shoes on the Danube Bank,
  • Budapest History Museum, etj.